A
A
Սերգեյ Մովսեսյանը ոչ-ոքի խաղաց
Շախմատի աշխարհի գավաթի խաղարկության երկրորդ փուլի առաջին պարտիայում Հայաստանի միակ ներկայացուցիչ, գրոսմայստեր Սերգեյ Մովսեսյանը, ոչ-ոքի խաղաց հունգարացի շախմատիստուհի Յուդիթ Պոլգարի հետ:
Սեւ խաղաքարերով հանդես եկող մեր շախմատիստը վստահ պաշտպանվեց եւ 32-րդ քայլին իր մրցակցին ստիպեց խաղաղ դաշն կնքել:
Վաղը տեղի կունենա երկրորդ պարտիան, որում Սերգեյ Մովսեսյանը կխաղա սպիտակներով: Այս հանդիպման հաղթողը կմտնի 3-րդ փուլ, իսկ ոչ-ոքիի դեպքում կողմերը կանցկացնեն արագ շախմատի լրացուցիչ պարտիաներ:
Հիշեցնենք, որ առաջին փուլում Սերգեյ Մովսեսյանը 2:0 հաշվով հաղթել էր աշխարհի կանանց չեմպիոն, չինուհի Հու Յիֆանին:
