Զինվորների մայկաներն ու վարտիկները կերել եք, որ սենց տներ եք քցել․ Ալեքսանյան (տեսանյութ)
Աջակցիր «Ա1+»-ինԱԺ արտահերթ նիստում «Քաղաքացիական պայմանագիր» խմբակցության պատգամավոր Վահագն Ալեքսանյանը հրապարակեց լուսանկարներ Սեյրան Օհանյանի՝ Սևանի ազգային պարկում կառուցած շքեղ առանձնատնից, պնդելով՝ այն կառուցվել է պետական հողը զավթելով: Ալեքսանյանն ընդգծեց՝ առանձնատանն առկա է 65 միլիոն դրամ արժողությամբ սաունա ու լողավազան:
Նրա խոսքով՝ հողը վարձակալությամբ հանձնվել է Օհանյանի «վարորդի սանտեխնիկ եղբորը», իսկ պետական ծառայողներ՝ ռազմական ոստիկանության աշխատողներ, հատուկ գործուղվել են տարածքը պահպանելու: Նա ասաց, որ այդ ընթացքում զինված ուժերում հնարավոր է եղել կանխել հանցագործություններ, բայց նրանք պահակություն են արել «դղյակում»:
«Սա դասական քոչարյանական-սերժական իշխանության դեմքն է», — հայտարարեց Ալեքսանյանը՝ ընդդիմությանը մեղադրելով պետական ունեցվածքը յուրացնելու մեջ։
