Թրամփը քննադատել է կրակի դադարեցման պայմանավորվածության խախտումը․ Թել Ավիվն ու Թեհրանը մեղադրում են միմյանց
Աջակցիր «Ա1+»-ինԱՄՆ նախկին նախագահ Դոնալդ Թրամփը հայտարարել է, որ և՛ Իսրայելը, և՛ Իրանը խախտել են կրակի դադարեցման մասին պայմանավորվածությունը։
«Ինձ դուր չեկավ, երբ Իսրայելը հայտարարեց, որ հարվածելու է Իրանին՝ միաժամանակ համաձայնելով կրակի դադարեցմանը», – ասել է նա՝ ընդգծելով, որ Իսրայելին կոչ է արել ետ կանչել իր մարտական ինքնաթիռները, որոնք արդեն ուղարկվել էին Իրանի ուղղությամբ։
Թրամփը հավելել է, որ Իրանի միջուկային ծրագիրն ամբողջությամբ ոչնչացվել է, և վերջինս այլևս երբեք չի կարողանա վերականգնել իր միջուկային կարողությունները։
Իսրայելի բանակը (ՑԱԽԱԼ) հայտարարել է, որ կեսգիշերից ի վեր ոչնչացրել է 15 իրանական դրոն։
Իրանի փոխնախագահ Մոհամմադ Ռեզա Արաֆը նշել է, որ «Հաղթանակի բարի լուր» անվանումով ռազմական գործողության ընթացքում, որի շրջանակում Իրանը հրթիռներ է արձակել Կատարում գտնվող դատարկ ամերիկյան ռազմաբազայի ուղղությամբ, իրենք կարողացել են «քանդել ԱՄՆ-ի և Արևմուտքի գերիշխանությունը տարածաշրջանում»։
Նրա խոսքով՝ հակառակորդները այժմ համոզվել են, որ անկախ տեխնոլոգիական առավելություններից՝ չեն կարող հաղթել Իրանին և իր ժողովրդին։
Իրանը հայտարարել է, որ կրակի դադարեցումից հետո ինքը չի հարձակվել Իսրայելի վրա՝ մեղադրելով վերջինիս պայմանավորվածությունը խախտելու մեջ։
