Բացել լրահոսը Փակել լրահոսը
497610004_1132212268941095_6863047624546964557_n
A A
Քաղաքականություն

Պուտինը Ստամբուլ չի մեկնի. Ռուսաստանի պատվիրակությունը կղեկավարի Մեդինսկին

Կրեմլը հայտնել է, որ մայիսի 15-ին Ստամբուլում նախատեսվող բանակցություններին Ռուսաստանի պատվիրակությունը կղեկավարի նախագահի օգնական և Գրողների միության ղեկավար Վլադիմիր Մեդինսկին։

Այսպիսով, Կրեմլը փաստացի մերժել է Ուկրաինայի նախագահ Վլադիմիր Զելենսկու առաջարկը՝ Ստամբուլում անձամբ հանդիպելու ՌԴ նախագահ Վլադիմիր Պուտինին։

Ռուսական պատվիրակության կազմը հրապարակվել է Կրեմլի պաշտոնական կայքում․

  • Վլադիմիր Մեդինսկի – պատվիրակության ղեկավար, ՌԴ նախագահի օգնական

  • Միխայիլ Գալուզին – ԱԳ փոխնախարար

  • Իգոր Կոստյուկով – Զինված ուժերի Գլխավոր շտաբի գլխավոր վարչության պետ

  • Ալեքսանդր Ֆոմին – Պաշտպանության փոխնախարար

  • Եւս չորս փորձագետներ՝ ՊՆ, ԱԳՆ և նախագահի վարչակազմից

Ավելի վաղ Զելենսկին հայտարարել էր, որ Ստամբուլում պատրաստ է հանդիպել միայն Պուտինի հետ։ Նա նշել էր, որ Ուկրաինան բաց է տարբեր ձևաչափերի համար, բայց մանրամասներ չէր ներկայացրել։