A
A
Շնորհավորանք փայլուն հաղթանակի առիթով
ՀՀ Ազգային ժողովի նախագահ Հովիկ Աբրահամյանը շնորհավորել է հայ շախմատիստներին աշխարհի թիմային առաջնության չեմպիոնի կոչումը նվաճելու առթիվ:
«Սիրելի չեմպիոններ
Շնորհավորում եմ ձեզ հերթական փայլուն հաղթանակի` աշխարհի չեմպիոնի կոչումը նվաճելու առթիվ:
Ձեր հաղթական թիմը տարիներ շարունակ հաջողությամբ է պաշտպանում Հայաստանի, հայկական սպորտի ու հայ մտքի պատիվը: Դժվար է առաջատար դառնալը, բայց շատ ավելի դժվար է առաջատարի դիրքերը պահպանելը:
Եւս մեկ անգամ շնորհավորում եմ այս կարեւոր հաղթանակի կապակցությամբ եւ մաղթում նոր նվաճումներ, երջանկություն եւ բարեկեցություն ձեզ ու ձեր ընտանիքներին»,-ասված է ուղերձում:
