Բանախոսներ՝

Դավիթ Ղազարյան՝ Հայաստանի ազգային պոլիտեխնիկական համալսարանի նախկին դասախոս

Արամ Միքայելյան՝ Հայաստանի ազգային պոլիտեխնիկական համալսարանի «Գյուղատնտեսական թունաքիմիկատների ստացում և որակի վերահսկում» գիտահետազոտական լաբորատորիայի նախկին ղեկավար

Քննարկանը մասնակցելու հրավեր է ուղարկվել նաև Հայաստանի ազգային պոլիտեխնիկական համալսարան, ՀՀ կրթության, գիտության, մշակույթի և սպորտի նախարարություն, Բարձրագույն կրթության և գիտության կոմիտե։ Հրավերները մերժվել են։

Վերաքննիչ դատարանը մարտի 12-ին բավարարել է Պոլիտեխնիկական համալսարանի նախկին դասախոս Դավիթ Ղազարյանի բողոքը և անվավեր ճանաչել 2021 թվականի մարտի 1-ին (երկրորդ փուլ՝ մարտի 15-ին) տեղի ունեցած «Հայաստանի ազգային պոլիտեխնիկական համալսարան» հիմնադրամի ռեկտորի ընտրության արդյունքները: Անվավեր է ճանաչվել «Հայաստանի ազգային պոլիտեխնիկական համալասարան» հիմնադրամի ռեկտորի ընտրության արդյունքները հաստատելու մասին» ՀՀ կառավարության 03.05.2021 թվականի թիվ 703-Ա որոշումը:

Դավիթ Ղազարյանի կարծիքով՝ Պոլիտեխնիկի ռեկտորը ընտրվել է ապօրինի և 4 տարի պաշտոնավարել, ստացել ռեկտորի աշխատավարձ (նաև ՀՀ հարկատուների հաշվին), ստորագրել հրամաններ, ընդունել որոշումներ, հեռացրել աշխատակիցների, նշանակել մարդկանց պաշտոնների և այլն։

Գործով դատավարությանը որպես պատասխանող կողմ է ներգրավվել «Հայաստանի ազգային պոլիտեխնիկական համալսարան» հիմնադրամը, ինչպես նաև ՀՀ կառավարությունը՝ ի դեմս ԿԳՄՍ նախարարության։