A
A
Հայաստանը լուրջ հայտ ներկայացրեց
Չինաստանում շարունակվող շախմատի աշխարհի թիմային առաջնությունում Հայաստանի հավաքականին չեմպիոնի կոչումից բաժանում է ընդամենը 2 միավոր:
Այսօր կայացած 7-րդ տուրում մեր ընտրանին 2,5:1,5 հաշվով պարտության մատնեց Հունգարիայի ուժեղ հավաքականին: Հայաստանը 14 հնարավորից վաստակեց 12 միավոր եւ
ամրապնդեց իր դիրքերը առաջին հորիզոնականում: Երկրորդ տեղը բաժանող Չինաստանի եւ Ուկրաինայի ընտրանիները մեր թիմին զիջում են 3 միավորով:
Վաղը նախատեսված 8-րդ տուրում Հայաստանի հավաքականը ուժերը կչափի Ադրբեջանի ընտրանու հետ, որն այս տուրում պարտվեց ԱՄՆ-ի թիմին`1,5:2,5: Հաղթանակի դեպքում մեր շախմատիստները ժամանակից շուտ կնվաճեն աշխարհի չեմպիոնի կոչումը, իսկ մյուսդեպքերում առաջին տեղի հարցը կլուծվի վերջին տուրի Ուկրաինա - Հայաստան խաղում:
