ԵԱՀԿ գլխավոր քարտուղարը ավարտել է իր այցը Մոսկվա
Աջակցիր «Ա1+»-ինՄՈՍԿՎԱ/ՎԻԵՆՆԱ, 12 Մարտի 2025 – ԵԱՀԿ գլխավոր քարտուղար Ֆերիդուն Հ. Սինիրլիօղլուն այսօր ավարտել է իր պաշտոնական այցը Մոսկվա։
Արտաքին գործերի նախարար Սերգեյ Լավրովի և այլ բարձրաստիճան պաշտոնյաների հետ հանդիպումների ընթացքում գլխավոր քարտուղար Սինիրլիօղլուն ընդգծել է ԵԱՀԿ-ի պատրաստակամությունը՝ աջակցելու Ուկրաինայի պատերազմը դադարեցնելու ջանքերին և դրան հաջորդող գործընթացներին։
«Ուկրաինայում շարունակվող պատերազմն անասելի կորուստներ և տառապանք է պատճառել միլիոնավոր մարդկանց։ Այս պատերազմը դադարեցնելու հնարավորություն կա, և ես հավատում եմ, որ մենք պետք է օգտագործենք այդ հնարավորությունը», – նշել է Սինիրլիօղլուն։
Նա ընդգծել է նաև, որ ԵԱՀԿ-ն շարունակում է մնալ առանցքային հարթակ անվտանգության հարցերով երկխոսության համար, հատկապես այն պետությունների միջև, որոնք դժվարանում են գտնել ընդհանուր լեզու։
«Այս տարի Հելսինկյան եզրափակիչ ակտի 50-ամյակը մեզ հնարավորություն է տալիս նորից հավատարիմ մնալ Հելսինկյան սկզբունքներին և լիարժեք օգտագործել բազմակողմ դիվանագիտության մեր առկա հարթակները։ ԵԱՀԿ-ն պատրաստ է աջակցել պատերազմի դադարեցմանն ու հետագա գործընթացներին՝ այն ձևով, որն օգտակար կլինի կողմերի համար», – ասել է Սինիրլիօղլուն։
Հանդիպումների ընթացքում գլխավոր քարտուղար Սինիրլիօղլուն նաև բարձրացրել է երեք ԵԱՀԿ պաշտոնյաների՝ Վադիմ Գոլդայի, Մաքսիմ Պետրովի և Դմիտրի Շաբանովի հարցը, որոնք արդեն գրեթե երեք տարի պահվում են Դոնեցկում և Լուգանսկում։
