Օրհնվի ծնունդդ, Սպարապե՛տ

 

ԵԿՄ հավերժ նախագահ, Հայաստանի Ազգային հերոս, Արցախի հերոս, Սպարապետ Վազգեն Սարգսյանն այսօր՝ մարտի 5-ին, կդառնար 66 տարեկան:

 

Հավերժ փառք ու հիշատակ Քեզ, Սպարապե՛տ:

Վազգեն Սարգսյանի պատգամներն ապրում են, գործը՝ շարունակվում:

Այսօր երկրապահ կամավորականների միությունը հավատարմորեն Սպարապետին ու նրա թողած պատգամին, ծառայում է մեր հայրենիքին՝ նույն հավատով, նվիրումով:

 

Արցախյան շարժման տարիներին նա հիմնեց եւ գլխավորեց Երկրապահ կամավորականների կառույցը: Երկրապահ կամավորականների միությունը հիմք հանդիսացավ Հայոց բանակի ստեղծմանը եւ մեծ դերակատարություն ունեցավ Արցախյան պատերազմի հաղթանակի համար։

Երկրապահ կամավորականների միությունն այժմ էլ բանակի հետ կողք կողքի ՀՀ պետական սահմաներում է եւ կատարում է իր սրբազան առաքելությունը՝ սահմանների պաշտպանությունը։

 

Անկախությունը բացարձակ արժեք է, - ասում էր Սպարապետը։ Այս գիտակցումը պետք է մեզ առաջնորդի։ Այո՛, անկախությունը, հայրենիքը սրբություն է. հայրենիքը, մեր սահմանները պետք է պահել, պետք է պահել զենքով, ոգով, համազգային միասնությամբ, հավատի ուժով։

 

Վազգենն իր արած գործով դարձավ գաղափար, որն առ այսօր շարունակում է առաջնորդել երկրապահին ու հայ ժողովրդին:

 

Շնորհավո՛ր լուսավոր ծնունդդ, Վազգե՛ն Սարգսյան,

Փա՛ռք ՔԵԶ, Սպարապե՛տ.

Փա՛ռք մեր բանակին, երկրապահին, կամավորականներին,

Փա՛ռք Հայ զինվորին,

Հավերժ փա՛ռք նահատակվածներին,

Մեր խոնարհումը հերոսածին մայրերին,

Փա՛ռք ու խաղաղություն մեր հայրենիքին:

 

ՀՀ ԵԿՄ վարչություն