Կտեսնեք, որ առաջիկայում Մինսկի խումբը կլուծարվի, ՀՀ-ն տվել է իր համաձայնությունը․ Էդմոն Մարուքյան (տեսանյութ)
Աջակցիր «Ա1+»-ին«Այս փաստաթուղթը պարտադիր ուժ չունի, Կոնգրեսի կողմից վավերացված համաձայնագիր չէ»,- «Ա1+»-ի հետ զրույցում ասաց «Լուսավոր Հայաստան» կուսակցության նախագահ Էդմոն Մարուքյանը՝ անդրադառնալով երեկ Հայաստան-ԱՄՆ ռազմավարական գործընկերության հանձնաժողովի կանոնակարգի ստորագրմանը։
Մարուքյանը կասկածում է, որ հունվարի 20-ին ԱՄՆ նախագահի պաշտոնական լիազորությունները ստացող Թրամփը կկատարի այդ փաստաթղթով նախատեսվող գործողությունները։ Օրինակ, փաստաթղթի կետերից մեկի համաձայն «հաջորդ ամիս՝ առաջիկա շաբաթներին, մեր մաքսային և սահմանապահ թիմը կուղևորվի ՀՀ՝ իրենց հայ գործընկերների հետ աշխատելու սահմանային անվտանգության կարողությունների զարգացման վրա»։ «Ես պնդում եմ, որ ԱՄՆ-ն ավելի լավ հարաբերություններ ունի Ադրբեջանի, քան ՀՀ-ի հետ։ Ադրբեջանն ԱՄՆ-ից տասնյակ տարիներ իր սահմանների համար միլիոնավոր դոլարների օգնություն է ստացել։ Ես ասում եմ, որ ԱՄՆ-ի համար հետաքրքրություն է ներկայացնում Հայաստան-Իրան սահմանը»,- հակադարձում է Մարուքյանը։
Մանրամասները՝ տեսանյութում։
