Ափամերձ բնակավայրերն արտաքին աշխարհին են կապվում մետաղական կամուրջներով (տեսանյութ)
Աջակցիր «Ա1+»-ինԳարնանային ջրհեղեղի գիշերային սարսափազդու իրադարձություններից հետո լուսաբացին տասնյակ բնակավայրերի բնակիչներ պարզեցին, որ կրած կորուստները և ապրումները դեռևս անցյալում չեն, որ կտրված են արտաքին աշխարհից՝ կամուրջների փլուզումների պատճառով, որ դրանք արագ լուծումներ չեն ունենալու ու դեռ ապրելու են աղետի հետևանքների հետ։
Մայիսյան հեղեղումներից հետո, Լոռու և Տավուշի մարզերի 9 համայնքներ ճանաչվեցին աղետի գոտի: Դեբեդ, Աղստև և Տաշիր գետերի վարարումների արդյունքում՝ վերոնշյալ մարզերում աղետի հետևանքով ավելի քան երկու տասնյակ կամուրջներ են վնասվել: Աղետի ժամանակ մասնակի կամ ամբողջական փլուզված կամուրջների հետևանքով մի շարք բնակավայրեր կտրվել էին արտաքին աշխարհից:
Գետերի վարարումների ժամանակ ընդհանուր առմամբ 24 կամուրջ է վնասվել, որից 16-ն՝ ամբողջությամբ: Դրանց թվում կան և՛ համայնքային նշանակության հետիոտնային կամ այսպես կոչված՝ կախովի կամուրջներ, և՛ խոշոր կամուրջներ, որոնք նախատեսված են եղել նաև տրանսպորտային միջոցների երթևեկության համար:
Աղետի առաջին օրերին փլուզված կամուրջների տեղում ժամանակավոր կամուրջներ կառուցվեցին՝ շրջափակման մեջ հայտնված բնակավայրերի բնակիչների կապն արտաքին աշխարհի հետ կապելու համար:
Լոռու մարզի Ալավերդի համայնքի Սանահին կայարան թաղամասի, Ախթալա, Քարկոփ վարչական բնակավայրերի, Գյուլագարակ համայնքի, Հոբարձիի և Տավուշի մարզի Իջևանի տարածաշրջանի Խաշթառակ գյուղի և Այրում համայնքի կամուրջներն աղետի հետևանքով վնասված ամենախոշոր կամուրջներն են:
Անկյուն+3
