Հրդեհ Սպիտակ քաղաքում

Դեկտեմբերի 2-ին, ժամը 22:07-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սպիտակ քաղաքի Գործարանային փողոցի թիվ 20 հասցեում այրվում է տուն։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ։

Հրդեհը մեկուսացվել է ժամը 22։30-ին, մարվել՝ 23։30-ին։ Այրվել են փայտաշեն տան (մոտ 60 քմ) տանիքի փայտե կառուցատարրերը (մոտ 20 քմ) և շքամուտքը (մոտ 20 քմ)։