Իմ որոշումը պայմանավորված չէ Ալեն Սիմոնյանի հետ հանդիպմամբ, ուրիշ փաստարկներ կան, որոնք ինձ ստիպում են եւս մի քիչ մտածել. Հովիկ Աղազարյան. Առավոտ

 ԱԺ պատգամավոր Հովիկ Աղազարյանը նպատակահարմար չի գտնում ԱԺ նախագահ Ալեն Սիմոնյանի հետ հանդիպումից մանրամասներ ներկայացնել: Նա Aravot.am-ի հետ զրույցում վստահեցրեց, որ այդ հանդիպման արդյունքում չէ, որ մանդատը վայր դնել-չդնելու մասին որոշման հրապարակումը  հետաձգել է: Իսկ թե ում նախաձեռնությունն է եղել այդ հանդիպումը՝ ի՞ր, թե՞ Ալեն Սիմոնյանինը, պատգամավորը եւս նպատակահարմար չգտավ ասել:

Կայքի հարցին, իսկ եթե չհանդիպեիք Ալեն Սիմոնյանի հետ, ինչ որոշում էիք այսօր երեկոյան 18:00-ին հրապարակելու, պարոն Աղազարյանը պատասխանեց. «Դե որ դուք ամեն բան չգիտեք, հետեւաբար, ես իմ որոշումները կայացնում եմ այն ամեն բանի հիման վրա, որ գիտեմ, իսկ դուք ամեն բան չգիտեք: Հետեւաբար, իմ որոշումը պայմանավորված չէ Ալեն Սիմոնյանի հետ հանդիպմամբ, ուրիշ փաստարկներ կան, որոնք ինձ ստիպում են եւս մի քիչ մտածել»: 

Մանրամասն՝ սկզբնաղբյուր կայքում