A
A
Ավետիք Գրիգորյանը 4-րդ հաղթանակը տարավ
Հայաստանի գրոսմայստեր Ավետիք Գրիգորյանը բուլղարական Ալբենայի շախմատի միջազգային մրցաշարի 5-րդ տուրում հաղթելով բոսնիացի Դենիս Կադրիչին, վաստակեց 4,5 միավոր եւ 12-րդ տեղից բարձրացավ 5-րդ հորիզոնական:
Այսօր կայանալիք 6-րդ տուրում մեր շախմատիստը կհանդիպի մոլդավացի Դմիտրի Սվետուշկինի հետ, ով նույնպես 4,5 միավոր ունի:
Հայաստանի երկրորդ ներկայացուցիչ Տիգրան Սիմոնյանը այս տուրում առավելության հասավ իսրայելացի Էլի Կոպելեւիչի նկատմամբ եւ իր միավորների քանակը հասցրեց 4-ի: Նա այժմ ընթանում է 24-րդ հորիզոնականում: Տիգրան Սիմոնյանը հաջորդ մրցակիցը ռումինացի Ֆիլիպ Լուսյանն է:
