Ծառերը չորանում են, պատճառը դեռ անհայտ է. գյուղացիներ (տեսանյութ)
Աջակցիր «Ա1+»-ինՈչ աղետի հետևանքով առաջացած արտակարգ դրությունը, ոչ էլ այգեգործի առողջական խնդիրները չխանգարեցին նրան դուրս գալ այգի ու զբաղվել գյուղատնտեսական աշխատանքներով, միակ խանգարողը եղանակն էր:
Այգեգործը հիշում է,որ խորհրդային տարիներին Նոյեմբերյանի դեղձի այգիներն ամեն տարի մոտ 30 հազար տոննա բերք էին տալիս: Իհարկե նույնը չենք կարող ասել ներկայիս բերքատվության մասին, քանի որ դեղձի այգիները տարեցտարի ոչնչանում են, ծառերը` չորանում, իսկ այս տարի էլի մի մասը ցրտահարվել է, մի մասը՝ կարկտահարվել, մեծ վնաս է հասցվել հատկապես շուտահաս դեղձին:
Այնուամենայնիվ , բերքի հույսով՝ այգեգործը ծառերը բուժում է , պարարտացնում, ոռոգում: Վերջինիս հարցը ավելի լուրջ է:
«Ջրի խնդիր ունենք ,ես հենց նոր 20 կիլոմետր քշել եկել եմ Դեղձավանից,որ իմացա ստեղ արդեն ջուրը տվել են ,եկել եմ, որ ստեղ կարենամ ջրեմ , ջուրը գալիսա ժամը 10 կամ անց կես , 6-ին անջատում են նասոսնին,ժամը 7-ին գյուղացին արդեն վերջացրածա լինում իրա այգու գործը, նա արդեն էտ արևին չի կարա այգի մշակի,մենք որ անհատ գնում ենք գործ անելու ժամը 5-ին դաշտումն ենք լինում, որ 12-ին գանք »,-ասում է այգեգործը :
