Երևանի ևս 32 մանկապարտեզ ու 6 պոլիկլինիկա կհիմնանորոգվեն (տեսանյութ)
Աջակցիր «Ա1+»-ին
Երևանյան 32 մանկապարտեզ ու 6 պոլիկլինիկա կհիմնանորոգվի: Ծրագիրը ներառում է, ինչպես շենքերի սեյսմիկ ամրացում, այնպես էլ էներգաարդյունավետ միջոցառումների կիրառում: Հերթական նիստում ավագանին հաստատեց «Երևանի էներգաարդյունավետության երկրորդ փուլ» ծրագրի իրականացման համաձայնագիրը: Եվրոպական ներդրումային բանկի կողմից գնահատված ծրագրի ընդհանուր արժեքը 37.1 մլն եվրո է, որից 2 մլն-ը կտրամադրի Երևանի քաղաքապետարանը, բանկի կողմից տրամադրվող վարկը՝ 25 մլն եվրո է, «Հարևանության ներդրումային հարթակ»-ի կողմից տրամադրվող ներդրումային դրամաշնորհը՝ 10.1 մլն եվրո: *** Սայաթ-Նովա պողոտա 4 հասցեին հարող տարածքում կտեղադրվի ՀՀ ժողովրդական արտիստ Երվանդ Մանարյանի արձանը: Ավագանին հավանություն տվեց որոշման նախագծին: *** Հակոբ Պարոնյանի անվան երաժշտական կոմեդիայի պետական թատրոնի շենքի ճակատային հատվածում կփակցվի hայ անվանի դերասանուհի, ՀԽՍՀ ժողովրդական արտիստ Սվետլանա Գրիգորյանի հիշատակը հավերժացնող հուշատախտակ:
*** Երևանի ավագանու հաջորդ՝ հերթական նիստը կգումարվի հունիսի 25-ին:
