Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները:

 

Վարդենյաց լեռնանցքը (ձյուն, բուք և ցածր տեսանելիություն) փակ է կցորդիչով բեռնատարների համար:

Տիգրանաշենի ոլորանները և Վեդի-Լանջառ ավտոճանապարհը փակ են բեռնատարների համար, դժվարանցանելի՝ մյուս տեսակի տրանսպորտային միջոցների համար:

 

Սպիտակ-Դիլիջան ավտոճանապարհը դժվարանցանելի է կցորդիչով բեռնատարների համար (անվաշղթաների կիրառման դեպքում), իսկ Բերդ-Ճամբարակ ավտոճանապարհը՝ բոլոր տեսակի տրանսպորտայի միջոցների համար:

 

Լոռու, Գեղարքունիքի մարզերում, Սարավան-«Զանգեր», «Մեղրու սար» կոչվող հատվածներում, Սիսիան-Գորիս (մառախուղ է), Սիսիան-Լծեն ավտոճանապարհներին, Աշոցքի, Ամասիայի, Արագածի, Ապարանի, Թալինի տարածաշրջաններում, Դիլիջան, Քաջարան և Ջերմուկ քաղաքներում տեղում է ձյուն:

Գորիս քաղաքում մառախուղ է:

 

Վարդաղբյուր գյուղում բուք է:

 

 

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Վարորդներին խորհուրդ է տրվում երթևեկել բացառապես ձմեռային անվադողերով։