Մարադոնան կդիմի դատարան
Արգենտինական ֆուտբոլի լեգենդ Դիեգո Մարադոնան հայտարարել է, որ ստիպված է դատի տալ Արգենտինայի ֆուտբոլի ֆեդերացիայի նախագահին, քանի որ վերջինս հերթական անգամ վիրավորանք է հասցրել իրեն:
80-ամյա ֆուտբոլային այրը վերջերս ասել է, որ Դիեգո Մարադոնան թաքցնում է իր խնդիրները, չցանկանալով ցույց տալ թմրանյութերից իր կախվածությունը: «Ես արդեն ծեր եմ, սակայն ավելի առողջ եմ, քան որոշ անվանի մարդիկ, որոնք անընդհատ խնդիրներ են ստեղծում հենց իրենց համար»:
Դիեգո Մարադոնան անմիջապես պատասխանել է նախագահին. «Ես արդեն 7 տարի է թմրանյութ չեմ օգտագործում եւ մաքուր եմ բոլոր առումներով: Դա լուրջ մեղադրանք է, ուստի ես ստիպված եմ դատի տալ Գրոնդոնային: Իմ փաստաբաններն արդեն պատրաստում են համապատասխան փաստաթղթերը»:
Անվանի ֆուտբոլիստը վերջում հայտարարել է, որ ինքն այնքան առողջ է, որ գրոնդոնաների ընտանիքի անդամներից շատ է ապրելու:
