Հունահռոմեական ոճի ըմբշամարտի Եվրոպայի առաջնության 97կգ քաշային կարգի եզրափակիչում Արթուր Ալեքսանյանը 6։3 հաշվով հաղթեց ռուսաստանցի Մագոմեդ Մուրթազալիևին և յոթերորդ անգամ նվաճեց Եվրոպայի չեմպիոնի կոչումը։

97կգ քաշային կարգում Արթուր Ալեքսանյանը Եվրոպայի առջնության մեկնարկային գոտեմարտում ժամանակից շուտ` 9։1 հաշվով հաղթեց թուրք Բատուլա Կայիսդագին։

 

Քառորդ եզրափակիչում Արթուրի մրցակիցը Նիդեռլանդների ներկայացուցիչ Տիրոն Ստերկենբուրգն էր։ Առաջին մրցափուլում մրցակցին հաջողվեց 3 միավորի առավելություն ստանալ։ Երկրորդ մրցափուլում պարտերից գրոհելու հնաարավորություն ստացավ արդեն հայ ըմբիշն ու հաշիվը դարձավ 7։3` հօգուտ Ալեքսանյանի։ Գոտեմարտի վերջնամասում էլ վաստակելով ևս մեկ միավոր` «Սպիտակ արջը» հաղթեց 8։3 հաշվով։