Հենրիխ Մխիթարյանը կմեկնի Մադրիդ, բայց ոչ «Ռեալի» հետ խաղալու. չեմպիոնների լիգա

ՈՒԵՖԱ-ի նստավայր Նիոնում կայացավ չեմպիոնների լիգայի 1/8 եզրափակիչ փուլի վիճակահանությունը:

16 թիմերը նախապես բաժանվեցին երկու զամբյուղների միջև: Խմբային փուլում առաջին տեղերը գրաված թիմերը կազմեցին վերևի, իսկ 2-րդ տեղերի թիմերը՝ ներքևի զամբյուղը: Ըստ կանոնակարգի, նույն երկրի ակումբները չեն կարող հանդիպել այս փուլում:

Միլանի «Ինտերը», որի կազմում հանդես է գալիս Հայաստանի ֆուտբոլիստ Հենրիխ Մխիթարյանը, կհանդիպի Մադրիդի «Աթլետիկոյի» հետ: Առաջին խաղը կկայանա Միլանում:

Ահա մյուս զույգերը.

«Պորտու» - «Արսենալ»

«Նապոլի» - «Բարսելոնա»

«ՊՍԺ» - «Ռեալ Սոսիեդադ»

ՊՍՎ – «Բորուսիա» (Դորտմունդ)

«Լացիո» - «Բավարիա»

«Կոպենհագեն» - «Մանչեսթեր Սիթի»

«Լայպցիգ» - «Ռեալ» (Մադրիդ)

Առաջին խաղերը կկայանան առաջինը նշված թիմերի դաշտում: Դրանք նախատեսված է անցկացնել փետրվարի 13, 14, 20 և 21-ին: