Բացել լրահոսը Փակել լրահոսը
a1+chess 16.12.
A A
Սպորտ

Հայկ Մարտիրոսյանը` արագ շախմատի Եվրոպայի փոխչեմպիոն

Գրոսմայստեր Հայկ Մարտիրոսյանը մրցանակային 2-րդ տեղն է զբաղեցրել արագ շախմատի Եվրոպայի առաջնությունում:

 

Մեր շախմատիստը 11 հնարավորից վաստակել է 9 միավոր և ռումինացի Դանիել-Բոգդան Դեակի հետ բաժանել 2-3-րդ տեղը: Լրացուցիչ ցուցանիշներով Հայկ Մարտիրոսյանը ճանաչվել է երկրորդը և արժանացել արծաթե մեդալի: Եվրոպայի չեմպիոն է դարձել սերբ գրոսմայստեր Ալեքսեյ Սարանան, որը վաստակել է 9,5 միավոր: Հայաստանը ներկայացնող միջազգային վարպետ Էմին Օհանյանը 7 միավորով զբաղեցրել է 68-րդ տեղը:

 

Այժմ մեր շախմատիստները մասնակցում են կայծակնային շախմատի Եվրոպայի առաջնությանը: Հայկ Մարտիրոսյանը 9 տուրից հետո վաստակել է 8 միավոր և չորս առաջատարներից մեկն է: Էմին Օհանյանը 6 միավորով գտնվում է 62-րդ հորիզոնականում: