Բացել լրահոսը Փակել լրահոսը
A A
Տեսանյութեր Սպորտ

Ինչու է «Փյունիկի» սեփականատեր Արթուր Սողոմոնյանը դժգոհ Հայաստանի ֆուտբոլի ֆեդերացիայից (տեսանյութ)

 

Երևանի «Փյունիկ» ֆուտբոլային ակումբի սեփականատեր, ռուսաստանցի գործարար Արթուր Սողոմոնյանը կարծում է, որ հայկական ֆուտբոլում այժմ շատ են սկանդալներն ու խնդիրները։ Դրանում նա մեղադրում է Հայաստանի ֆուտբոլի ֆեդերացիայի ղեկավարությանը։

«Առաջնության խաղերը վերջին ժամանակներին հիմնականում նշանակվում են աշխատանքային օրերին, վաղ ժամերին, որի պատճառով շատ ֆուտբոլասերներ չեն կարողանում ներկա լինել հանդիպումներին։ Բացի այդ, եվրոգավաթային խաղերը մենք և ևս երկու ակումբներ անցկացրինք Աբովյանում, այն դեպքում, երբ Երևանի «Հանրապետական» մարզադաշտում այդ ժամանակ հանդիպումներ չէին նախատեսված։ Իսկ երբ մենք պետք է ընդունեինք նորվեգական ակումբին արդեն Երևանում, մեզ զրկեցին մարզվելու հնարավորությունից, քանի որ նախօրեին Հայաստանի առաջնության խաղ էին նշանակել այդ մարզադաշտում։ Դրանից հետո ես հասկացա, որ ՀՖՖ-ն ամեն ինչ անում է «Փյունիկին» վնասելու համար։ Ելնելով ստեղծված իրավիճակից, եթե առաջիկա նախագահական ընտրություններում արմատական փոփոխություն տեղի չունենա ֆեդերացիայի ղեկավար կազմում, ապա գալիք մրցաշրջանում «Փյունիկի» երկու գլխավոր և 34 մանկապատանեկան թիմերը չեն մասնակցի Հայաստանի առաջնությանը», - այսօր կազմակերպված մամուլի ասուլիսին ասաց Արթուր Սողոմոնյանը։

«Փյունիկի» սեփականատերն անդրադարձավ հայկական ֆուտբոլին վերաբերող բազմաթիվ հարցերին, պատասխանեց լրագրողների բոլոր հարցերին։ Միջանկյալ ելույթ ունեցավ նաև «Փյունիկի» գլխավոր մարզիչ Եղիշե Մելիքյանը։

Մանրամասները՝ տեսանյութում։