Հայաստան դիտորդական առաքելություն գործուղելու ուղղությամբ աշխատանքները շարունակվում են. ՀԱՊԿ
Աջակցիր «Ա1+»-ինՀայաստան ՀԱՊԿ դիտորդական առաքելություն գործուղելու և այլ գործնական միջոցներ տրամադրելու մասին որոշման նախագծի շուրջ աշխատանքները շարունակվում են։ Նման հայտարարություն է հրապարակել ՀԱՊԿ քարտուղարությունը՝ արձագանքելով ԶԼՄ-ներում տեղ գտած հրապարակումներին։
Անդրադառնալով Հայաստանին օգնություն տրամադրելու վերաբերյալ նախագիծն օրակարգից հանելու վերաբերյալ Երևանի խնդրանքին՝ Կազմակերպոււթյունից նշում են.
«ՀԱՊԿ Հավաքական անվտանգության խորհրդի նոյեմբերյան (2022թ.) նստաշրջանի որոշումների կատարման և Բելառուսի Հանրապետության նախագահության օրոք կազմակերպության գործունեության առաջնահերթ ուղղությունների իրականացման գործողությունների ծրագրին համապատասխան՝ մինչ այժմ մշակվում է երկու փաստաթուղթ, որոնք կապված են Հարավային Կովկասում իրավիճակի կայունացման հետ։ Խոսքը ՀԱՊԿ Հավաքական անվտանգության խորհրդի «Հայաստանի Հանրապետությանը օգնություն ցուցաբերելու համատեղ միջոցառումների մասին» որոշման նախագծի և կազմակերպության անդամ երկրների արտաքին գործերի նախարարների հայտարարության մասին է, որն ուղղված է աջակցելու այս տարածաշրջանում խաղաղության հասնելու ջանքերին։ Մինսկում ՀԱՊԿ կանոնադրական մարմինների առաջիկա նիստերի նախօրեին հայկական կողմն առաջարկել է հետ կանչել Հայտարարության նախագիծը քննարկումից»,-ասված է ՀԱՊԿ հայտարարության մեջ։
