Չեմպիոնների լիգա. «Միլանի» և «Բենֆիկայի» վերջին հնարավորությունը
Աջակցիր «Ա1+»-ինԱյսօր կմեկնարկի ՈՒԵՖԱ-ի չեմպիոնների լիգայի խմբային փուլի 4-րդ տուրը: Այն կարող է ճակատագրական լինել թիմերի համար և դրական, և բացասական առումով:
Մասնավորապես, եթե գործող գավաթակիր «Մանչեսթեր Սիթին», «Բավարիան», «Բարսելոնան» և Մադրիդի «Ռեալը», որոնք տարել են երեքական հաղթանակ, չորրորդ անգամ հաջողության հասնեն, ապա ժամանակից շուտ կմտնեն փլեյ-օֆֆ: Իսկ ահա իտալական «Միլանը» եթե սեփական դաշտում պարտվի ֆրանսիական «ՊՍԺ»-ին, ապա կարող է կորցնել հաջորդ փուլ մտնելու վերջին հնարավորությունը:
Էլ ավելի ծանր վիճակում են գտնվում Լիսաբոնի «Բենֆիկան», Բեռլինի «Ունիոնը» և բելգիական «Անտվերպենը», որոնք մեկնարկում կրել է 3-ական պարտություն և սայթաքելու դեպքում միանշանակ դուրս կմնան հետագա պայքարից: Հետևաբար, այս տուրի խաղերն առավել կարևոր նշանակություն ունեն ետնապահների համար: Ահա այդ հանդիպումները.
7 նոյեմբերի
«Պորտու» - «Անտվերպեն»
«Շախտյոր» - «Բարսելոնա»
«Ցրվենա Զվեզդա» - «Լայպցիգ»
«Մանչեսթեր Սիթի» - «Յանգ Բոյզ»
«Միլան» - «ՊՍԺ»
«Աթլետիկո» - «Սելթիկ»
8 նոյեմբերի
«Կոպենհագեն» - «Մանչեսթեր Յունայթեդ»
«Արսենալ» - «Սևիլյա»
«Նապոլի» - «Ունիոն»
«Ռեալ Սոսիեդադ» - «Բենֆիկա»
Հավելենք, որ Միլանի «Ինտերը», որի կազմում հանդես է գալիս Հենրիխ Մխիթարյանը, վաղը կխաղա ավստրիական «Զարլցբուրգի» դաշտում:
