Արտաշես Մինասյանը առաջատարների խմբում է. շախմատի վետերանների աշխարհի առաջնություն

Իտալիայում ընթացող շախմատի վետերանների աշխարհի առաջնությունն արդեն հատել է հասարակածը: Նախատեսված 11 տուրից կայացել է վեցը:

Տղամարդկանց 50-ից բարձր տարիքային խմբում հանդես եկող Արտաշես Մինասյանը 6 հնարավորից վաստակել է 5 միավոր և կիսում է 1-4-րդ հորիզոնականները: Մեր երկրորդ մասնակիցը՝ Աշոտ Նադանյանը, 4 միավորով զբաղեցնում է 12-րդ տեղը: Այսօր կայանալիք 7-րդ տուրում Արտաշես Մինասյանը կհանդիպի Սերբիան ներկայացնող թուրք գրոսմայստեր Սուաթ Աթալիկի հետ:

65-ից բարձր տարիքային խմբում հանդես եկող Ռաֆայել Վահանյանը 4.5 միավորով գտնվում է 11-րդ հորիզոնականում: Այսօր մեր վետերանների վետերանը կմրցի սերբ Ստեֆան Ջուրիչի հետ: