Հայաստանի բռնցքամարտիկները տանուլ տվեցին առաջին մարտերը. Եվրոպայի գավաթ

Չեռնոգորիայի Բուդվա քաղաքում անցկացվող բռնցքամարտի Եվրոպայի գավաթի խաղարկությունում այսօր կայանում են կիսաեզրափակիչ մարտերը:

Առավոտյան մրցահերթին Հայաստանից մասնակցեցին երեք բռնցքամարտիկ: 48 կգ քաշային Բարեղամ Հարությունյանը 1:4 հաշվով պարտվեց Բուլղարիայի ներկայացուցչին և բավարարվեց բրոնզե մեդալով: 54 կգ քաշային Ռուսլան Ասլիկյանն երրորդ ռաունդում նոկաուտի ենթարկվեց ռուսաստանցի Մաքսիմ Կուզնեցովի կողմից: 86 կգ քաշային Ռաֆայել Հովհաննիսյանը նոկաուտով պարտվեց բելառուսցի Ալեքսեյ Ալֆիորովին:

Երեկոյան մրցահերթում ռինգ դուրս կգան Ռուդոլֆ Գարբոյանը (51 կգ), Արթուր Բազեյանը (57 կգ) և Նարեկ Մանասյանը (92 կգ):