Երևանը կընդունի բռնցքամարտի աշխարհի պատանեկան առաջնությունը

2023թ նոյեմբերի 21-ից դեկտեմբերի 5-ը Երևանը կընդունի բռնցքամարտի աշխարհի պատանեկան առաջնությունը: Այդ մասին հայտնում է ԿԳՄՍ նախարարությունը: Մրցաշարին 15-16 տարեկան բռնցքամարտիկներ կմասնակցեն՝ տղաների և աղջիկների 13-ական քաշային կարգերում:

Պատանիների վերջին մրցումներն անցկացվել էին 2015 թվականին Սանկտ Պետերբուրգում, իսկ աղջիկներինը՝ չինական Թայբեյում։ Այս անգամ մրցաշարը կանցկացվի համատեղ ձևաչափով:

Հիշեցնենք, որ 2022 թվականին Երևանում անցկացվել է բռնցքամարտի մեծահասակների Եվրոպայի առաջնությունը, իսկ այս տարվա ապրիլին՝ Եվրոպայի երիտասարդների առաջնությունը:

Բռնցքամարտի 2023թ աշխարհի պատանեկան առաջնությունը կանցկացվի նախկին «Միկա» մարզահամալիրում: