Հայաստանի ֆուտբոլի Մ-17 հավաքականը պատրաստվում է Եվրոպայի առաջնության ընտրափուլին

Հայաստանի ֆուտբոլի Մ-17 հավաքականը հոկտեմբերի 3-7-ը մարզական հավաք կանցկացնի ՀՖՖ Տեխնիկական կենտրոն/Ֆուտբոլի ակադեմիայում։ Այդ մասին տեղեկացնում է Հայաստանի ֆուտբոլի ֆեդերացիան:

Հոկտեմբերի 8-ին Հայաստանի Մ-17 հավաքականը կմեկնի Իռլանդիա, որտեղ կմասնակցի Եվրոպայի պատանեկան առաջնության ընտրական մրցաշարին: Մեր ընտրանին առաջին հանդիպումը կանցկացնի հոկտեմբերի 11-ին, Իռլանդիայի հետ: Հոկտեմբերի 14-ին մերոնք ուժերը կչափեն Շվեյցարիայի, իսկ հոկտեմբերի 17-ին՝ Իսլանդիայի ընտրանիների հետ:

Հայաստանի Մ-17 հավաքականի գլխավոր մարզիչ Արմեն Պետրոսյանը հավաքին մասնակցելու համար հրավիրել է 21 ֆուտբոլիստ, այդ թվում ընդամենը երկու հարձակվող: Ֆուտբոլիստներից 9-ը «Փյունիկ» ֆուտբոլային ակումբի սաներեն: Հինգ հոգի ներկայացնում են արտասահմանյան ակումբներ:

Դարպասապահներ

Արտյոմ Դավիդով – Ակադեմիա

Վաչե Գաբրիելյան – Սարդարապատ-07

Արթուր Պետրոսյան – Փյունիկ-08

Պաշտպաններ

Կարեն Հովակիմյան - Փյունիկ-07

Արամ Ահարոնյան - Փյունիկ-07

Սերգեյ Հարությունյան – Փյունիկ-07

Անդրանիկ Հակոբյան - Փյունիկ-07

Մայիս Խաչատրյան - Փյունիկ-07

Հենզել Բաղոյան – Սևաստոպոլ-2 (Ռուսաստան)

Հարություն Մուսիկյան - Լաֆնից (Ավստրիա)

Կիսապաշտպաններ

Վահե Կարապետյան - Փյունիկ-07

Մարտին Գալստյան - Փյունիկ-07

Սեդրակ Մովսիսյան - Փյունիկ-07

Արթուր Մկրտչյան – Ալաշկերտ-2

Դավիթ Հարությունյան – Ուրարտու-2

Ալեքս Գալստյան – Արարատ-Արմենիա-2

Գագիկ Մելոյան – Ակադեմիա

Անրի Մինասով-Կասպարյան – Վասկես Յուվենիլ-2 (Իսպանիա)

Գարի Գրիգորյան – Վիրջինիա Ակադեմիա (ԱՄՆ)

Հարձակվողներ

Էմիլ Պապիկյան – Շիրակ-2

Արամե Մինասյան – Սան Վիդալետ (Իսպանիա)