A
A
«Նոա» ֆուտբոլային ակումբը իսպանական ուղղվածություն է ընտրում
Աջակցիր «Ա1+»-ինԵրևանի «Նոա» ֆուտբոլային ակումբն այսօր հանդես է եկել մի քանի հայտարարությամբ:
Նախ թիմից հեռացել է գլխավոր մարզիչ Ռոբերտ Արզումանյանը, որի աշխատանքային պայմանագրի ժամկետը լրացել է և ակումբը չի երկարաձգել այն: Թիմի գլխավոր մարզիչ է նշանակվել իսպանացի մասնագետ Կառլոս Ինարեխոսը, որը 39 տարեկան է և արդեն հասցրել է աշխատել Սաուդյան Արաբիայում, Իրանում, Կիպրոսում, Ջիբրալթարում, Ֆրանսիայում և Ուկրաինայում:
Փոխվել է նաև ակումբի մարզական տնօրենը: Արթուր Սահակյանի պայմանագիրը խզվել է փոխադարձ համաձայնությամբ: Այդ պաշտոնում նշանակվել է Արթուր Ոսկանյանը, որը մինչ այդ եղել է ՀՖՖ տեխնիկական կենտրոն ֆուտբոլի ակադեմիայի մարզական տնօրենը:
«Նոան» առաջիկա խաղը կանցկացնի վաղը՝ սեպտեմբերի 30-ին, Չարենացավանի «Վանի» հարկի տակ:
