Մենք ուզում ենք երկրորդ աստղը նվաճել. Հենրիխ Մխիթարյանը «Միլանին» ջախջախելուց հետո (տեսանյութ)
Աջակցիր «Ա1+»-ինՄիլանի «Ինտերը» Ա սերիայի հերթական խաղում 5:1 հաշվով հաղթել է «Միլանին»: Խաղի մասին կարծիք է հայտնել հանդիպման հերոս Հենրիխ Մխիթարյանը, որը դարձել է 2 գոլի և մեկ գոլային փոխանցման հեղինակ:
«Մենք երջանիկ ենք, հատկապես ես: Կարևորը ոչ թե գոլ խփելն է, այլ խաղում հաղթելը: Մենք շատ լավ սկսեցինք մրցաշրջանը, և ցանկանում ենք այդպես շարունակել: Հինգերորդ դերբին ենք հաղթել: Այս երկրպագուների հետ կարող ենք ամեն ինչ անել: Մենք պետք է առաջ շարժվենք: Տեսնենք ինչ կլինի վերջում: Ուզում ենք երկրորդ աստղը նվաճել, և դրա համար պետք է ամուր լինենք: Մեր թիմը շատ է փոխվել, բայց գիտենք, թե ինչ է նշանակում խաղալ «Ինտերում»: Դուք դա տեսաք նաև այսօր: Սկուդետտո՞յի մասին: Դեռ վաղ է, քիչ-քիչ, խաղից խաղ կմտածենք այդ մասին», - ասել է հայ ֆուտբոլիստը:
«Ինտերը» տարնելով 4-րդ անընդմեջ հաղթանակը, վաստակել է 12 միավոր և գլխավորել մրցանակային աղյուսակը:
