UCOM-ում մեկնարկում են շարժական ցանցի արդիականացման աշխատանքները
Աջակցիր «Ա1+»-ին«Յուքոմ» ընկերությունը մեկնարկում է շարժական ցանցի արդիականացման աշխատանքները։ Արդիականացումը կմեկնարկի առաջիկա շաբաթում՝ սեպտեմբերի 4-ից, Երևան քաղաքի Կենտրոն վարչական շրջանից և մասամբ կներառի Արաբկիր վարչական շրջանը։
«Մեր սիրելի բաժանորդներին ուզում ենք նախապես տեղյալ պահել, որ սա դեռ սկիզբն է։ Աշխատանքն իրականացվելու է փուլերով, որպեսզի մինչև տարեվերջ դուք ունենաք ավելի սահուն ու ժամանակակից մարդու պահանջները բավարարող փորձառություն Ucom-ի արդեն արդիականացված, նորացված շարժական ցանցում։ Իսկ մինչ այդ անհրաժեշտ է զինվել համբերությամբ, քանի որ այսպիսի աշխատանքը ենթադրում է կապի որակի հնարավոր անկում, շարժական ցանցի ծածկույթի կրճատում, նաև կապի ընդհատումներ», - նշել է «Յուքոմ» ընկերության գլխավոր տնօրեն Ռալֆ Յիրիկյանը։
Հավելենք, որ Երևանի վարչական շրջաններում իրականացվող աշխատանների մասին Ucom-ը մշտապես նախապես կտեղեկացնի։ Ընկերությունը կանխավ հայցում է իր բաժանորդների ներողամտությունը՝ խոստանալով արագագործ շարժական կապ մինչև տարեվերջ։
