Հայաստանի հավաքականը 62-րդն է աշխարհում
Ֆուտբոլի Հայաստանի հավաքականը մարտի 26-ին Ռուսաստանի ընտրանու հետ մրցավեճում ոչ-ոքի` 0:0 խաղալու հաշվին 3 աստիճանով բարելավեց իր դիրքը ՖԻՖԱ-ի վարկանիշային աղյուսակում, որը հրապարակվել է այսօր: Այժմ մեր ընտրանին զբաղեցնում է 62-րդ տեղը:
Իսկ ահա Ռուսաստանի հավաքականը երեւանյան ոչ-ոքիից հետո 13-րդ տեղից տեղափոխվել է 18-րդ հորիզոնական: Նահանջ են ապրել նաեւ մեր մյուս մրցակիցները` Սլովակիան, որն այժմ 27-րդն է (մինչ այդ` 22-ը), Մակեդոնիան` 85 (83), իսկ ահա Իռլանդիան ու Անդորրան մնացել են նույն դիրքերում` համապատասխանաբար 34-րդ եւ 202-րդ տեղերում:
Մեր հարեւան Վրաստանը Խորվաթիայի ընտրանուն հաղթելուց հետո բարձրացել է 56-րդ հորիզոնական, իսկ Ադրբեջանը նահանջել է 107-րդ տեղ։
ՖԻՖԱ-ի վարկանիշային աղյուսակի առաջին տասնյակը.
1. Իսպանիա 1857
2. Հոլանդիա 1702
3. Բրազիլիա 1425
4. Գերմանիա 1386
5. Արգենտինա 1276
6. Անգլիա 1163
7. Ուրուգվայ 1094
8. Պորտուգալիա 1052
9. Իտալիա 1019
10. Խորվաթիա 991
