Մեր 4 շախմատիստները առաջատարների թվում են
Դուբայում ընթացող շախմատի խոշոր միջազգային մրցաշարում շարունակում են հաջող հանդես գալ մեր շախմատիստները: Երկու տուրից հետո մեր 10 մասնակիցներից ոչ մեկը դեռեւս պարտություն չի կրել:
Գրոսմայստերներ Սամվել Տեր-Սահակյանը, Արտաշես Մինասյանը, Զավեն Անդրիասյանը եւ Դավիթ Գ. Պետրոսյանը 2-րդ տուրում հաղթեցին իրենց մրցակիցներին եւ 2-ական միավորով ընթանում են առաջատարների խմբում:
Նրանցից կես միավոր քիչ են վաստակել Վլադիմիր Հակոբյանը, Տիգրան Քոթանջյանը, Գեւորգ Հարությունյանը, Աշոտ Անաստասյանը, Կարեն Հ. Գրիգորյանը Հովիկ Հայրապետյանը:
Այսօր տեղի կունենան 3-րդ տուրի հանդիպումները: Դրանցից առավել մեծ հետաքրքրություն են առաջացրել մեր հարեւան հանրապետությունների ներկայացուցիչների հետ մրցամարտերը: Այսպես, Զավեն Անդրիասյանը կհանդիպի ադրբեջանցի Սարհան Գուլիեւի, իսկ Կարեն Հ. Գրիգորյանը` վրացի Լեւան Պանցուլայայի հետ: Սամվել Տեր-Սահակյանի մրցակիցը կլինի Թուրքմենստանի ներկայացուցիչ Յուսուպ Աթաբաեւը, Արտաշես Մինասյանինը` հնդիկ Սրինաթ Նարայանանը:
