Արաբկիր վարչական շրջանում բացվել է քաղաքացիների սպասարկման նոր կենտրոն (տեսանյութ)
Աջակցիր «Ա1+»-ին
Արաբկիրի բնակիչներն այսուհետ կկատարեն քաղաքացիների սպասարկման նոր սրահում: Վարչական շրջանի շենքում բացված սպասարկման միասնական կենտրոնում բնակիչները նաև իրենց դիմումները կներկայացնեն:
«Սպասարկման սրահը գործելու է «Մեկ պատուհանի» սկզբունքով: Հարկերով և սենյակներով մտնելու փոխարեն բնակիչները մեկ տեղում կկատարեն իրենց վճարումները» ,- նշել է Արաբկիր վարչական շրջանի ղեկավարի աշխատակազմի եկամուտների հաշվառման և հավաքագրման բաժնի պետ Հայկ Մուշեղյանը:
16 «պատուհանով» գործող նոր սրահում քաղաքացիների սպասարկումն իրականացվում է հերթագրման էլեկտրոնային համակարգով: Հերթագրվել հնարավոր է նաև նախապես:
Պայմաններին առաջինը ծանոթացել են Երաևնի փոխքաղաքապետերը, վարչական շրջանների ղեկավարներ, ավագանու անդամներ:
«Վճարումները կարող են կատարել «Հայփոստ»-ի պատուհանի, նաև տերմինալների և քարտերի միջոցով»,-նշում են աշխատակիցները:
Նոր, հարմարավետ պայմանները մի քանի անգամ հեշտացնում և արագացնում են սպասարկումը:
Քաղաքացիների ժամանակը խնայելու համար Երևանի քաղաքապետարանը թվայնացրել է մատուցվող ծառայությունները: Հարկային պարտավորությունները հնարավոր է կատարել նաև առցանց:
