A
A
Արցախցի երիտասարդները մեծ ներուժ ունեն․ Ռուբեն Վարդանյան
Աջակցիր «Ա1+»-ինԱՀ նախկին պետնախարար, գործարար Ռուբեն Վարդանյանը ֆեյսբուքյան իր էջում գրում է․
Ստեփանակերտի «Մեր սարերը» կենտրոնում մեկնարկել է «Մատենա» միջազգային դպրոցի առաջնորդների մասնագիտական զարգացման երրորդ ծրագիրը՝ Արցախի հանրային և մասնավոր ոլորտների մասնագետների համար:
Ծրագրին մասնակցելու համար մեծ թվով դիմումներ էին ստացվել, ինչն իսկապես ոգևորիչ էր: Սա ևս մեկ անգամ վկայում է, թե որքան ամուր ու անկոտրում է արցախցին, որ անգամ այս բարդ իրավիճակում կարևորում է գիտելիքը, արհամարհելով շրջափակման դժվարությունները՝ գալիս է զարգացնելու իր մասնագիտական հմտությունները:
«Մատենա»-ի այս երրորդ ծրագիրը հիմնականում նվիրված է ռազմավարական առաջնորդությանը, որի հիմքում վստահությունն է: Առաջնորդների, պետական ինստիտուտների նկատմամբ վստահությունն առանցքային խնդիր է: Եթե կա այդ վստահությունը՝ ցանկացած դժվարություն ու մարտահրավեր հաղթահարելի է:
Շուրջ հիսուն երիտասարդներ հնարավորություն կունենան ունկնդրել այս ոլորտում լավագույն մասնագետներին, որոնք իրենց փորձն ու գիտելիքները կփոխանցեն նրանց: Արցախցի երիտասարդները մեծ ներուժ ունեն և օգտագործելով այն, կատարելագործով իրենց հմտությունները՝ պետք է պատրաստ լինեն վերցնելու ավելի մեծ պատասխանատվությունч իրենց ապագան իրենց պատկերացրած ձևով կառուցելու համար:
