Այսքան տարիների ընթացքում ես տարածել եմ իրավական լուրջ արժեքներ․ ՄԻՊ թեկնածու Անահիտ Մանասյանի ճեպազրույցը (տեսանյութ)

«Ես որպես գլխավոր դատախազի տեղակալ կոնկրետ ոլորտներ եմ համակարգել, եւ այդ գործառույթների իրականացման ժամանակ եղել են իրավիճակներ, երբ ես պայքարել եմ մարդու իրավունքի պշտպանության համար: Օրինակ՝ ՀՀ-ում հայտնաբերված օտարերկրացի անչափահասների հետախուզվողների առնչությամբ բավականին լուրջ աշխատանք եմ իրականացրել՝ իրենց իրավունքների պաշտպանությունը երաշխավորելու համար»։ Այս մասին, այսօր ՄԻՊ-ի թեկնածու ընտրվելուց հետո լրագրողների հետ զրույցում նշեց Անահիտ Մանասյանը:

Ինչ վերաբերում է նրան, որ ՄԻՊ-ը պետք է ունենա բարձր հեղինակություն եւ ճանաչելիություն, իսկ ինքը ճանաչված չէ, նա ասաց. «Բարձր հեղինակությունը կապ չունի ճանաչելիության հետ, այն կապ ունի բոլորովին այլ հանգամանքների հետ: Ես ընտրվել եմ մի քանի հեղինակավոր կառույցների կողմից՝ Ուկրաինայում, Բելառուսում մարդու իրավունքների պաշտպանության վերաբերյալ խորհրդատվություն տրամադրելու նպատակով՝ փորձագիտական աջակցություն իրականացնող  խմբի շրջանակում: Ես հրապարակել եմ աշխատություն, որի հիմնական ռեվյուն իրականացրել է, օրինակ՝ Լատվիայի նախագահի իրավական հարցերով խորհրդականը:  Այսքան տարիների ընթացքում ես տարածել եմ իրավական լուրջ արժեքներ եւ սկզբունքներ ուսանողների շրջանում, դատավորներին եւ  դատախազներին կրթել եմ մարդու իրավունքների հետ կապված»:

Մանրամասները՝ տեսանյութում։