Բրազիլիան պարտվեց, Շվեյցարիան՝ հաղթեց, բայց երկուսն էլ մտան փլեյ-օֆֆ. Քաթար-2022
Աջակցիր «Ա1+»-ինՔաթարում ընթացող ֆուտբոլի աշխարհի առաջնությունում ավարտվեց խմբային փուլը: Վերջինը հարաբերությունները պարզեցին G խմբի թիմերը:
Երկրորդ կազմով հանդես եկած Բրազիլիայի ընտրանին անսպասելի պարտվեց հետնապահներից մեկին՝ Կամերունին: Միակ գոլը 90+2 րոպեին խփեց Վինսենտ Աբուբակարը: Ի դեպ, նա գոլը տոնելուց հետո անմիջապես հեռացվեց դաշտից, քանի որ մարզաշապիկը հանելու համար երկրորդ դեղին քարտը ստացավ:
Չնայած հաղթանակին, կամերունցիները դուրս մնացին առաջնությունից, քանի որ միավորներով հետ մնացին Շվեյցարիայից, որը ընթացիկ խաղում 3:2 հաշվով հաղթեց Սերբիային: Շվեյցարացիները վաստակեցին 6 միավոր և հավասարվեցին առաջատար բրազիլացիներին, սակայն խփած և բաց թողած գոլերով նրանք գրավեցին 2-րդ տեղը:
Այդպիսով, հայտնի դարձան 1/8 եզրափակիչ փուլի բոլոր մասնակիցներն ու զույգերը: Ահա դրանք.
Նիդերլանդեր – ԱՄՆ
Արգենտինա – Ավստրալիա
Ֆրանսիա – Լեհաստան
Անգլիա – Սենեգալ
Ճապոնիա – Խորվաթիա
Բրազիլիա - Հարավային Կորեա
Մարոկո – Իսպանիա
Պորտուգալիա – Շվեյցարիա
Փլեյ-օֆֆի առաջին փուլի խաղերը կկայանան դեկտեմբերի 3-6-ը: