Թմրանյութ՝ հյութի շշերում
Աջակցիր «Ա1+»-ինՆոյեմբերի 18-ին՝ ժամը 17։15-ի սահմաններում, Հայաստանի Հանրապետության արդարադատության նախարարության «Նուբարաշեն» քրեակատարողական հիմնարկի ծառայողները, իրացնելով օպերատիվ տվյալները, զննության են ենթարկել կալանավորված անձ Բ․ Գ․-ի անվամբ քաղաքացի Ս․ Գ․-ի կողմից բերված հանձնուքը։ Զննության արդյունքում 0․5 լիտր տարողությամբ նարնջագույն հյութի պլաստմասե 4 շշերի մեջ նստվածքի տեսքով հայտնաբերել են թմրամիջոցին նմանվող կասկածելի զանգվածներ։
ՔԿ ծառայության տեղեկացմամբ՝ քաղաքացին հայտնաբերվածի վերաբերյալ բանավոր հայտարարել է, որ հյութն իրեն են փոխանցել Բ․ Գ․-ի ծանոթները՝ վերջինիս փոխանցելու համար։
Նույն օրը՝ ժամը 17։30-ի սահմաններում, «Նուբարաշեն» քրեակատարողական հիմնարկի կալանավորված անձ Հ․ Վ․-ի անվամբ քաղաքացի Գ․ Գ․-ի կողմից բերված հանձնուքում առկա 1․5 լիտր տարողությամբ 2 և 0․5 լիտր տարողությամբ 16 պլաստմասե տարաներում ևս հայտնաբերվել են թմրամիջոցին նմանվող կասկածելի զանգվածներ՝ նստվածքի տեսքով։ Քաղաքացին բանավոր հայտարարել է, որ այն իրեն է փոխանցել մեկ այլ քաղաքացի՝ որպես հանձնուք կալանավորված անձին փոխանցելու համար։
