Ընտրությունների մասին բացարձակ չեմ մտածում․ Տիգրան Ավինյան (տեսանյութ)
Աջակցիր «Ա1+»-ին«Ես Երևանի փոխքաղաքապետ եմ ու համակարգում, վերահսկում եմ Երևանի վարչական շրջանների և դրանց ղեկավարների աշխատանքը, դա էլ պատճառը, որ ես իրականացնում եմ շրջայցեր վարչական շրջանների ղեկավարների հետ»,-այս մասին լրագրողների հետ ճեպազրույցների ժամանակ նշեց Երևանի փոխքաղաքապետ Տիգրաան Ավինյանը։ Նա անդրադարձավ հարցին, թե արդյոք Տիգրան Ավինյանը չի չարաշահում իր պաշտոնեական լիազորությունները և արդյո՞ք Երևանի քաղաքապետի ընտրությունների համար քարոզարշավ չի իրականացնում։
Հարցին, թե փոխվարչապետ եղած ժամանակ ինչու Ավինյանը այդպես ակտիվ գործունեություն չէր իրականացնում և քաղաքացիների հետ պարբերաբար հանդիպումներ չէր ունենում, Ավինյանը նշեց․ «Փոխվարչապետի գործառույթները այլ տեսակի գործառույթներ են, եթե հիշում եք` ես պարետ լինելու ժամանակ շատ անմիջական շփվել եմ քաղաքացիների հետ ուղերձներով, sms-ներով․․․»։
Թե ինչպես է գնահատում իր հնարավորությունները՝ քաղաքապետի պաշտոնում ընտրվելու համար, Ավինյանը նշեց, որ ընտրությունների մասին բացարձակապես չի մտածում․ «Ընտրությունների վրա բացարձակապես կենտրոնացած չեմ և կենտրոնացած եմ իմ աշխատանքի վրա»։
Մանրամասները՝ տեսանյութում։
