A
A
Հայաստանի ձյուդոյիստները անհաջող հանդես եկան Եվրոպայի Մ23 առաջնությունում
Աջակցիր «Ա1+»-ինԲոսնիա և Հերցեգովինայի մայրաքաղաք Սարաևոյում անցկացվեց ձյուդոյի մինչև 23 տարեկանների Եվրոպայի առաջնությունը:
Հայաստանից հանդես եկան հինգ մարզիկ: Ավաղ, մեր երիտասարդ ձյուդոյիստները չկարողացան հաղթահարել նախնական փուլի արգելքները և պայքար մղել մեդալների համար:
60 կգ քաշային Երվանդ Ներսեսյանը և 73 կգ քաշային Արտակ Թորոսյանը պարտություն կրեցին հենց առաջին մրցամարտում: 66 կգ քաշայիններ Ստյոպա Դարբինյանը և Արտյոմ Ղալաչյանը, ինչպես նաև Արսեն Ավեդիսյանը (73 կգ), վստահ հաղթանակով մեկնարկեցին առաջնությունը, սակայն որակավորման 2-րդ փուլում զիջեցին իրենց մրցակիցներին և դուրս մնացին հետագա պայքարից:
Այսօր անցկացվեցին թիմային մրցումները: Մեր 73 կգ քաշային ձյուդոյիստները չմասնակցեցին մրցաշարին, իսկ մնացած քաշային կարգերում մենք մասնակիցներ չունեինք:
