Դատական նիստի ժամանակ Վահագն Վերմիշյանի ինքնազգացողությունը վատացել է
Աջակցիր «Ա1+»-ինՔիչ առաջ դատական նիստերի դահլիճում Վահագն Վերմիշյանի ինքնազգացողությունը վատացել է` իր ֆեյսբուքյան գրառմամբ տեղեկացնում է պաշտպան Ալեքսանդր Կոչումբաևը։
Նա հավելել է․ «Քիչ առաջ դատական նիստերի դահլիճում Վահագն Վերմիշյանի ինքնազգացողությունը վատացավ և դատական նիստը ընդմիջվեց: Խնդիրը կապված էր գլխուղեղի արյան շրջնառության հետ, որը պարոն Վերմիշյանը ձեռք է բերել հենց կալանքի կրման ժամանակ: Նիստի վերսկսումից հետո պարոն Վերմիշյանը կոչ արեց մեկ րոպե լռությամբ հարգել Արմեն Գրիգորյանի հիշատակը, որը դատավորի կողմից ընկալվեց որպես անհարգալից վերաբերմունք և Վ. Վերմիշյանը հեռացվեց դահլիճից 10 ժամով:
Հ.գ. Վահագն Վերմիշյանը նստած էր Արմեն Գրիգորյանի աթոռի վրա, դատավորը կրկին Մնացականն էր Մարտիրոսյան: Առողջություն Վահագն Վերմիշյանին»։
Հիշեցնենք, որ Քաղաքաշինության կոմիտեի նախագահի պաշտոնը զբաղեցրած Վահագն Վերմիշյանը մեղադրվում է կոռուպցիոն չարաշահումների և հովանավորչության հանցակազմով։
