Զախարովան՝ Լավրովի՝ Հայաստան այցի մասին (տեսանյութ)

ՌԴ ԱԳՆ պաշտոնական ներկայացուցիչ Մարիա Զախարովան այսօրվա բրիֆինգի ժամանակ հայտնել է, որ Ռուսաստանի արտգործնախարար Սերգեյ Լավրովը Երևանում ՀՀ ղեկավարության հետ մանրամասն կխոսի ՀՀ–ի, ՌԴ–ի և Ադրբեջանի առաջնորդների` 2022 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի պայմանավորվածությունների կատարման ընթացքի մասին։

«Կքննարկվեն երկկողմ դաշնակցային հարաբերություններին, ԵԱՏՄ, ՀԱՊԿ, ԱՊՀ ընդհանուր ինտեգրացիոն միավորումներում Մոսկվայի և Երևանի փոխգործակցության ընդլայնմանը, ինչպես նաև միջազգային հարթակներում համակարգման ամրապնդմանը վերաբերող հարցեր», -նշել է Զախարովան։

Հիշեցնենք` Լավրովը Հայաստան կժամանի այսօր։ Վաղը` հունիսի 9-ին, ՀՀ ԱԳՆ-ում կկայանա Հայաստանի և Ռուսաստանի արտգործնախարարների հանդիպումը: