РИА Новости-ի՝ Արտակ Բեգլարյանի հետ հարցազրույցից հետո Ադրբեջանում արգելափակել են այդ կայքը
Աջակցիր «Ա1+»-ինԱդրբեջանի տարածքում արգելափակվել է ռուսական «ՌԻԱ Նովոստի» լրատվական գործակալության կայքը։
Կայքի մուտքն արգելափակվել է հունիսի 3-ի երեկոյից՝ հայտնում է ադրբեջանական ԱՊԱ գործակալությունը:
Նշենք, որ արգելափակման համար հիմք է հանդիսացել այն, որ ռուսական «ՌԻԱ Նովոստի» պետական գործակալությունը վերջերս հարցազրույց էր հրապարակել Արցախի պետնախարար Արտակ Բեգլարյանի հետ։
«ՌԻԱ Նովոստի»-ի գործողությունները դատապարտող հայտարարություն է տարածել Ադրբեջանի արտաքին գործերի նախարարությունը։ Այնտեղից նշել են, որ իբր ռուսական պետական լրատվական գործակալությունը տարածում է «Ադրբեջանի տարածքային ամբողջականության դեմ ուղղված տեղեկատվություն»: Բայցի այդ, Ադրբեջանում նեղվել են այն հանգամանքից, որ հարցազրույցի մեջ Արտակ Բեգլարյանը ներկայացվել է իր պաշտոնով՝ ԼՂ պետնախարար: