Խաչատուր Աբովյանի տուն-թանգարանում կայացավ «Գիրք Հայաստանի» խորագրով ցուցադրությունը
Աջակցիր «Ա1+»-ինՄայիսի 30-ին Խաչատուր Աբովյանի տուն-թանգարանում կայացավ «Գիրք Հայաստանի» խորագրով ցուցադրությունը՝ Ազգային գրադարանի հետ համագործակցությամբ, և համանուն գրքի շնորհանդեսը։
Ցուցադրվում էին «Վերք Հայաստանի» պատմավեպի բոլոր տարիների հրատարակությունները և թարգմանությունները։ Թանգարանի տնօրեն Սյուզաննա Խոջամիրյանը նշեց, որ նոր աշխատանքներ են մեկնարկել «Վերք Հայաստանիի» անգլերեն թարգմանության ուղղությամբ:
Ցուցադրության մեջ էր նաև «Վերքի» ամենավերջին` արևելահայերենի փոխադրությամբ հրատարակությունը, որ օրեր առաջ է լույս տեսել:
«Գիրք Հայաստանի» գիրքն ընդգրկում է հայ մեծերի կարծիքները «Վերք Հայաստանի» պատմավեպի վերաբերյալ: Գրքի մասին խոսք ասեցին գրականագետներ Գուրգեն Գասպարյանը, Հայկ Համբարձումյանը, Արքմենիկ Նիկողոսյանը, գրքի թարգմանիչ Արևիկ Ստամբոլցյանը և այլոք:
Միջոցառմամբ ամփոփվեց պատմավեպի ստեղծման 180-ամյակի հոբելյանական միջոցառումների շարքը:
