Քոչարյանն ու Սերժ Սարգսյանը չեն կարող երկիրը ճիշտ ուղով տանել, իսկ Փաշինյանի առաջարկն անբարոյական է. Ա․ Ղուկասյան (տեսանյութ)
Աջակցիր «Ա1+»-ին«Հայ կառուցողական» կուսակցության նախագահ Անդրիաս Ղուկասյանը այսօր ընդդիմության մեջ տեսնում Է Նիկոլ Փաշինյանի փոխարեն այլ թեկնածուի՝ վարչապետի պաշտոնում և «Ա1+»-ի եթերում ասաց, որ գործող վարչապետը չի կարող միջազգային անվտանգային հարցերը լուծել։
«Իհարկե, Հայաստանում կան գործիչներ, որ պրոռուսկան ուժերին ալտերնատիվ կա»,-ասաց Անդրիաս Ղուկասյանը նշելով, որ թե՛ իշխող ուժը, թե՛ խորհրդարանական ընդդիմությունը, որպես ելակետ ընդունում են, որ ՌԴ-ն չի պարտվի Ուկրաինայում և շարժվում են այդ ելակետով։
«Հայ կառուցողական» կուսակցության նախագահի խոսքով՝ իրենք ազատված են այդ կապանքներից և չեն գտնվում Կրեմլի ղեկավարման ներքո։ «Նիկոլ Փաշինյանի վերջին այցը ՌԴ վերջնակետ դրեց Հայաստանի բազմավեկտոր քաղաքակոր քաղաքականությանը և Նիկոլ Փաշինյանը համաձայնեց, որ ՆԱՏՕ-ն է Ուկրաինայում պատերազմի պատասխանատուն և կանգնեց ագրեսորի կողքին»,- ասաց Անդրիաս Ղուկասյանը։
Ըստ Ղուկասյանի, ոչ՛ Ռոբերտ Քոչարյանը, ոչ՛ էլ Սերժ Սարգսյանը, դեմ չեն Նիկոլ Փաշինյանի անվտանգության հետ կապված, էթնիկ զտման և այլ որոշումների հետ և չի կարծում, որ նրանք կարող են Հայաստանը տանել նոր ճանապարհով՝ դեպի նոր անվտանգության համակարգ։
Քաղաքական գործչի խոսքով, եթե նայենք ինչ դիսկուրս է Արևմուտքում, կտեսնենք, որ Պուտինի, Էրդողանի, Ալիևի Քոչարյանի, Սերժ Սարգսյանի և Նիկոլ Փաշինյանի ժամանակն անցել է։ Թեև Նիկոլ Փաշինյանը կարող էր դուրս գալ այդ ցանկից, բայց նա հրաժարվեց ընդունել Ջո Բայդենի առաջարկը և գնաց կանգնեց Վլադիմիր Պուտինի կողքին։
Մանրամասները՝ տեսանյութում։
