Գտե՛ք ձեզ․ էս ա մեր ընդդիմությունը․ զուգորդված աշխատանք Ադրբեջանի զինված ուժերի հետ․ Ալեն Սիմոնյան (տեսանյութ)
Աջակցիր «Ա1+»-ինԱԺ նախագահ Ալեն Սիմոնյանն անդրադառնալով ընդդիմության այսօրվա հայտարարությանը՝ հարց հնչեցրեց՝ «ե՞րբ եք սկսելու աշխատել, երբ են իրենց ստացած աշխատավարձը արդարացնելու»։
ԱԺ նախագահը մատնանշեց խորհրդարանական ընդդիմության անգործությունը ամենատարբեր հարթակներում և ձևաչափերում։
Ալեն Սիմոնյանը խորհրդարանական ընդդիմությանը մեղադրեց Ադրբեջանի զինված ուժերի հետը զուգորդված աշխատելու մեջ։
«Հայտարարություն՝ սադրանք սահմանին, Նիկոլ Փաշինյան- Վլադիմիր Պուտին հանդիպում՝ հայտարարություն՝ միտինգ։ Ամբողջը իրար հետո զուգորդված։ Սրանք զուգադիպություններ չեն։ Եվ սրա պատասխանը դուք պետք է տաք։ Ձեր չաշխատելու, ձեր այստեղ չգալու»,- ասաց Ալեն Սիմոնյանը և պարզաբանեց, թե ինչու խորհրդարանական ընդդիմությունը հայտարարություն արեց և դուրս եկավ ԱԺ լիագումար նիստերի դահլիճից՝ նշելով՝ «որպեսզի սեղմվի այն կոճակը, որը ապահովում է աշխատավարձերի մուտքերը՝ պատգամավորների հաշվին»։
ԱԺ նախագահը բացատրեց, որ այսօրվա հայտարարությունը արվեց նրա համար, որ ԱԺ աշխատակազմը ընդդիմության բացակայությունը քաղաքական ակցիայի տակ համարի հարգելի և աշխատավարձից պահումներ չարվեն։
«Էսա մեր ընդդիմությունը»,- ասաց Ալեն Սիմոնյանը և վստահեցրեց, որ խորհրդարանական ընդդիմությունը չի կարող մանդատաները վայր դնել և հորդորեց վայր դնել՝ «եթե խորհրդարանում գործունեություն չեն ծավալում ի՞նչ եք անում դուք ըստեղ»։