«Աստծուն որոնելիս»
Դեկտեմբերի 11-12-ին Գյումրի քաղաքում` Ս. Նիկոլայ Հրաշագործի եկեղեցուն կից «Պատվո Բլուր» հուշահամալիրում կցուցադրվի Ռուբեն Սուվարու` «Աստծուն որոնելիս» խորագիրը կրող նկարների շարքը:
Գրաֆիկայի ժանրում ցուցադրվում են Հայաստանի Հանրապետությունում նմանօրինակը չունեցող մանրանկարներ, որոնք ամբողջությամբ գրիչով են արված: Արտահայտում են մարդու եւ տիեզերքի կապը, ունեն փիլիսոփայական և պատմական հենք:
Ռուբեն Սուվարին ծնվել է 1982թ.-ին հայրենիքից հեռու` Ղազախստանի Ցելինոգրադ քաղաքում /այժմ մայրաքաղաք Աստանա/: Մեկ տարի անց` 1983-ին, ընտանիքով հաստատվել են Վանաձորում: Առաջին անգամ լրջորեն նկարչությամբ զբաղվել է, երբ 23 տարեկան էր: Աշակերտել է երջանկահիշատակ լոռեցի նկարիչ Խաչիկ Ղարաբեկյանին:
Ցուցահանդեսը կկայանա Գյումրու քաղաքապետարանի և ռուսական եկեղեցու աջակցությամբ: