«Հայաստան» դաշինքը մերժում է Փաշինյանի հետ փակ քննարկման առաջարկս․ Ռուբինյան (տեսանյութ)
Աջակցիր «Ա1+»-ին«Հարգելի գործընկերներ, արձանագրում եմ, որ իմ առաջարկը՝ կազմակերպել Ազգայի Ժողովի ղեկավար մարմնի, խորհրդի ֆորմատով փակ քննարկում վարչապետ Նիկոլ Փաշինյանի հետ մեզ բոլորիս հուզող կարևոր թեմայով, մերժված է «Հայաստան» խմբակցության կողմից»,- ԱԺ արտահերթ նիստի ժամանակ հայտարարեց «Քաղաքացիական պայմանագիր» խմբակցության պատգամավոր Ռուբեն Ռուբինյանը։
Մինչ այդ ելույթ էր ունենում «Հայաստան» խմբակցության պատգամավոր Սեյրան Օհանյանը, ով նշեց, որ նախաձեռնությունները կարևոր են, բայց բոլոր նախաձեռնությունները պետք է լինեն ժամանակին․ «Ռուբեն Ռուբինյանը ինձ հեռախոսազանգով ասել է, որ վարչապետը ցանկանում է գալ և ներկայացնել իրավիճակը, բայց իրականում առաջին հերթին մենք ինքներս պետք է հասկանանք, թե ինչ ենք ուզում։ Մենք առաջարկել ենք, որ ներկայացվեն բոլոր փաստաթղթերը անվտանգության վերաբերյալ, որից հետո «Հայաստան» խմբակցությունը որոշում կկայացնի»։
Մանրամասները՝ տեսանյութում։
