Բացել լրահոսը Փակել լրահոսը
A A
Հասարակություն

Ադրբեջանից հայ փախստականների և Արցախից բռնի տեղահանվածների ակցիան․ ՈՒՂԻՂ (տեսանյութ)

 
Երևանում ՄԱԿ–ի գրասենյակի մոտից մեկնարկեց քաղաքացիական ակցիա, որի նպատակն է՝ միջազգային հանրության ուշադրությունը հրավիրել Ադրբեջանի և Թուրքիայի կողմից Լեռնային Ղարաբաղում իրականացվող ցեղասպան քաղաքականությանը՝ կոչ անելով գործի դնել Արցախում էթնիկ զտումը կագնեցնելուն ուղղված առկա մեխանիզմները։
 
Ակցիան իրականացնում էին Ադրբեջանից հայ փախստականները, Լեռնային Ղարաբաղից բռնի տեղահանվածները և մտահոգ քաղաքացիները։
 
Ակցիայի մասնակիցները ելույթներ ունեցան Հայաստանում ՄԱԿ-ի գրասենյակի դիմաց՝ դատապարտելով Ադրբեջանի հայասպան քաղաքականությունը։ Ակցիայի մասնակիցները նամակ փոխանցեցին ՄԱԿ-ի հայաստանյան ներկայացուցչին, այնուհետև շարժվեցին Հայաստանում Ֆրանսիայի դեսպանություն վանկարկելով՝ «Արցախը չի կարող լինել Ադրբեջանի կազմում», «Stop Aliev»։
 
Ակցիայի մասնակիցները նամակ փոխանցեցին Հայաստանում Ֆրանսիայի դեսպանին և շնորհակալություն հայտնեցին մշտապես հայ ժողովրդին աջակցելու համար։ Այնուհետև ակցիայի մասնակիցները շարժվեցին Հայաստանում ՌԴ դեսպանություն և նամակ փոխանցեցին։
 
Նույնաբովանդակ նամակներ փոխանցեցին Հայաստանում ԱՄՆ-ը դեսպանին և ԵՄ ներկայացուցչին։ ՀՀ առաջին ՄԻՊ Լարիսա Ալավերդյանը «Ա1+»-ի հետ զրույցում անդրադառնալով Ադրբեջանի կողմից տարվող հայատյաց, էթնիկ զտման քաղաքականությանը,  մեղադրեց միջազգային կառույցներին՝ անգործության մեջ՝ նշելով՝ գերտերությունները աչք են փակում Արցախում տեղի ունեցող իրադարձությունների վրա, երբ կոպտորեն խախտվում են Արցախում ապրող մեր հայրենակիցների կյանքի իրավունքը, երբ սպառնալիքի տակ է նրանց գոյությունը։
 
Մանրամասները՝ տեսանյութում։