ՀՀ ԱԺ պատգամավորները ԵԽ-ում ներկայացրել են Ադրբեջանի սադրանքի հետեւանքով ԼՂ-ում ստեղծված իրավիճակը
Աջակցիր «Ա1+»-ինԱԺ «Քաղաքացիական պայմանագիր» խմբակցության ղեկավար Հայկ Կոնջորյանը, ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը եւ ԵԽԽՎ-ում հայկական պատվիրակության անդամ Արուսյակ Ջուլհակյանը մարտի 29-ին Բրյուսելում հանդիպումներ են ունեցել Եվրոպական խորհրդարանում Հայաստանի հարցերով մշտական զեկուցող Անդրեյ Կովաչեւի, ՀՀ-ԵՄ խորհրդարանական գործընկերության կոմիտեում Եվրոպական խորհրդարանի պատվիրակության փոխնախագահ Ռասա Յուկնեւիչենեի, Եվրոպական խորհրդարանի անդամներ Պետեր վան Դալենի եւ Չառլի Վեյմերսի հետ:
Քննարկվել են Արցախում ստեղծված իրավիճակը եւ Ադրբեջանի կողմից իրականացվող սադրանքները: Պատգամավորները կոչ են արել հանդես գալ Ադրբեջանին զսպող հասցեական հայտարարություններով:
Քննարկվել են նաեւ ՀՀ-ԵՄ օրակարգին վերաբերող բազմաթիվ հարցեր, ներկայացվել Հայաստանում ժողովրդավարական բարեփոխումների ընթացքը:
․․․․․․․․․․․
ԱԺ «Քաղաքացիական պայմանագիր» խմբակցության պատգամավորները հանդիպումներ են ունեցել Եվրոպական խորհրդարանում
ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը, Եվրոպական ինտեգրման հարցերի մշտական հանձնաժողովի նախագահ Արման Եղոյանը եւ ԵԽԽՎ-ում ՀՀ ԱԺ պատվիրակության անդամ Արուսյակ Ջուլհակյանը մարտի 29-ին Եվրոպական խորհրդարանում հանդիպել են Եվրոպական խորհրդարանի՝ Հարավային Կովկասի երկրների հետ հարաբերությունների հարցերով պատվիրակության ղեկավար Մարինա Կալյուրանդի, Եվրանեսթ խորհրդարանական վեհաժողովում Եվրոպական խորհրդարանի պատվիրակության ղեկավար Անդրիուս Կուբիլիուսի հետ:
Հանդիպումների ժամանակ ներկայացվել է Ադրբեջանի զինուժի ներխուժման հետեւանքով Լեռնային Ղարաբաղում ստեղծված իրավիճակը:
Ներկայացվել են Ադրբեջանի կողմից Արցախի խաղաղ բնակչության դեմ շարունակական սադրանքներն ու ագրեսիվ գործողությունները, կենսական ենթակառուցվածքները վնասելու քայլերը:
Մեծապես կարեւորվել է ներկա իրավիճակի վերաբերյալ միջազգային հանրության թիրախային արձագանքը՝ ուղղված Արցախից ադրբեջանական զինուժի դուրսբերմանը եւ իրավիճակի ապաէսկալացիային:
